Esta páxina pretende acercar virtualmente estes lugares a toda aquela xente que marchou da súa terra e que nunca voltou ou que o fai con menos frecuencia da que desexa e tamén ás xeracións posteriores que non coñecen a terra dos seus maiores.

 As Fermosas é unha aldea do concello de Carballeda de Avia pertencente á comarca do Ribeiro. Está situada nas estribacións montañosas limítrofes cos concellos de Avión, Melón e o concello de Covelo, xa na provincia de Pontevedra. A súa altitude oscila entre os 650 e os 700 m e o seu clima é o característico dunha zona de montaña con abundantes chuvias e ventos fortes no inverno.

As noites son máis frias no verán con respecto á zona do Ribeiro, de menos altitude. Pola contra, nos días de inverno que non hai borrascas senón anticiclóns, disfrútase do sol dende a 1ª hora da mañá, mentres que no Ribeiro a néboa é persistente e, con frecuencia, incluso permanece as 24 horas. A súa situación privilexiada permítelle gozar dunha vista panorámica sin comparación. Practicamente se pode observar todo o val do Ribeiro a excepción da súa capital, Ribadavia, que queda oculta por un monte. Comezando pola esquerda podemos contemplar O Carballiño, Cenlle, San Andrés, Esposende, Valdepereira, San Cristovo, Castrelo, San Paio e, xa na dereita, unha pequena parte de Arnoia. Preme aquí para ver a vista panorámica.

Achegáronse:---
visitantes